Cintah Iku Yo Ngene Iki Cak, Wis Peyok Sik Njaluk Rabi

Paring asma Kiman Mitro Wiyono. Yuswa 88 tahun. Jaler. Tasih gagah. Tasih saget pados pasangan. Tasih saget kromo malih kalian piyantun putri, ingkang paring asma Sutinah. Yuswa, 75 tahun.

Walah gak ngerti Cak. Cara biasa ae. Ngomong Suroboyoan ae. Gak kromo-kromoan ngene iki. Angel diartekno Cak. Basa Jawaku biyen nang rapot oleh 5. Oleh abang. Abang mbranang. Wis ngono sik digepuki ambek emak Cak. Yok opo se jelase?

Oke!

Kiman Mitro Wiyono, 88 tahun. Sepuh. Tuwek. Meh thuyuk-thuyuk. Tapi ingatane sik jos. Koyo-koyone yo sik greng masio wis ketok peyok kono-kene.

Mbah Kiman wingi sempat dadi viral. Viral nang media sosial. Mergane, masio wis poyek kono-kene sik duwe niatan rabi. Lhoh apik iki! Niatan sing mulia. Pasti didelok malaikat.

Sing dirabi jeneng Sutinah. Nek Mbah Kiman umure 88, Mbah Sutinah umure, 75 tahun. Loro-lorone kecatet dadi warga Desa Bendung, Kecamatan Semin, Kabupaten Gunungkidul. Bedone rodok akeh soal umur, bedo 8 tahun.

Bedo umur biasa. Nanging ojok takon takon rasane cintah yo. Sampeyan wong enom-enom kalah kabeh mbarek mbah-mbak iki. 

Masio gak diseksekno wong sak desa, Kiman mbarek Sutinah nglakoni ijab qobul nang KUA Kecamatan, Semin. Ijab dilakoni 27 Juni 2019. Gak rame-rame se, tapi wong sak hohah podo umek. Umek nang media sosial mberitakno cinta sejati saka Gunungkidul. 

Kiman ngaku cintah ket Sutinah nglirik dekne rong tahun kepungkur. Atine deg-degan terus nek ketemu Sutinah. Padahal Sutinah sing rondo iku bendino lewat ngarep omahe.

Yo uwis, jare Kiman, timbang rondo iki didekep wong liya, tak dekepe dewe. Merga iku, tanggal 27 Juni 2019 Sutinah dilamar trus dijak ijab nang KUA Semin.

Kiman dewe statuse yo wis suwe ndudo. Dudo gak duwe anak. Sutinah yo podo. Rondo gak duwe anak. Klop nek ngono. Rabi akhire.

Aku Kiman, dekne yo kroso deg-degan pas ngajak Sutinah rabi. Diajak urip bareng. Ndilalahe Sutinah yo gak nolak. "Coba nek pas iku Sutinah nolak, piye jal. Opo gak gantung diri aku leee," jare Kiman polos. (idi)