TKW Maneh, Dientup Peksa Pejabat Malaysia
Cluthak. Iku kanggone kucing. Dados wajar nek kucing julukane mesti cluthak. Nanging, nek menungso clutak opo yo onok?
Onoklah! Malah uakeh. Penjara Medaeng iko bek mencep isine wong clutak thok. Nanging nek cluthake mergo wong wedok opo yo onok? Tambah uakeh maneh.
Iku nang Indonesia lakan. Nek nang negara liyo. Yo tetep akeh. Malaysia? huihhh tambah nemen.
Iki sing paling nyar. Aparat Malaysia sik tas iki nyelidiki anggota parlemen Malaysia wilayah Perak. Anggota parlemen iku mau dilaporne mbarek rewange dewe.
Rewang sing TKW tekan Indonesia iku nglaporno juragane nang aparat mergo dekne dipeksa ngelayani nafsune. Dekne dientup peksa lan gak iso ngelawan.
Kayak sing diberitakno Malaymail, TKW sing dirahasiakno jenenge mau, ngelapor kelakuan juragane nang Kantor Polisi Jelapang, Malaysia. Laporan ditrimo Choo Lily. Lily iku jabatane nang kepolisian Asisten Direktur Divisi Investigasi Seksual Perempuan dan Anak Bukit Aman. Choo Lily sak kal ngrespon. Dekne mbarek tim-e ngonokno investigasi nang pejabat sing identitase gak diungkap. Investigasi lancar, soale pejabate sing dituduh ngetup TKW rewange iku gelem diinvestigasi. Jare Lily, polisi ngupaya profesional ambek kasus sensitif iki. Sak liyane iku, pejabat sing tuduh ngentup peksa iku mau yo gak keberatan diperiksa. Dekne ngaku gak tahu ngelakoni sing dituduhno mbarek TKW mau.Sak durunge, Nga Kor Ming, ketua partai sing panggone pejabat cluthak iku mau dadi anggota ngaku pasrah mbarek polisi. Partai Democratic Action Party (DAP) wis nyerahno kabeh prosese investigasi nang pejabat sing duwe wewenang.
Jare Nga Ko Ming, partai DAP ngakoni nek gak onok sing ngalahno dalane hukum. Mergo iku polisi dimanggakno oleh gawe nelisik opo ae sing iso mbuktekne kasus ngisin-isini kuwi. (idi)
Advertisement
