Tak Kiro Nuklir Kim Jong Un, Tiwas Mlayu Koyo Maling
![Montor muluk TNI AU sing digawe nggugahi wong sahur. (Foto:Instagram/TNI AU) Montor muluk TNI AU sing digawe nggugahi wong sahur. (Foto:Instagram/TNI AU)](https://cdn.ngopibareng.id/imagecache/2019052207421600-pesawat-au.jpg)
Byar padang suwara jemegler montor muluk jenis jet sak durunge subuh mau dadi omongan tambah rame. Nek berita sak durunge mau ngopibareng.id mek motret kagete warga Petemon, saiki iso motret warga Suroboyo sak kabehe. Ewonan warga ngomentari suwara jet isuk uthuk-uthuk mau lewat instagram.
Jenenge ae warga, metune yo nang instagram, komentare yo sak mencothote lambene. Onok sing lucu, onok sing serius, onok ugo sing nggregetno marai ngguyu. Jajal deloken komentare wong-wong iku:
Akun instagram aslisuroboyo ngomong ngene, “Tenang iku tradisi “sahur” teko TNI AU sing dimulai Senen wingi 20 Mei 2019 sampek engko dino Jumat 24 Mei 2019. Lek Senen wingi dimulai nang sekitar Solo. Sawangane isuk iki kebagian daerah Suroboyo. Lumayan jomblo isuk iki ditangikno pesawat tempur, biasane mel alarm.”
Seng iki seje. Jajal deloken akun instagram gettoz. Dekne ngomong ngene, ”Sumpah tak kiro di nuklir Kim Jong Un, tiwas mlayu koyo maleng cok.”
Trus omongane gettoz iku dijawab ambek koncone, “Tak kiro tonggoku ngorrok !!!”
![](https://cdn.ngopibareng.id/imagecache/20190522074447screenshot2019-05-22-07-28-23-717cominstagramandroid.png)
Komentare akun instagram nurulscm luweh nggregetno timbangane wong loro iku mau. Jajal deloken, “Tak pikir aku mimpi disambangi avengers ta starwars ngono. Tiwas aku sueneng kate pamer. Eh ternyata tonggoku yo krungu kabeh.”
Neng Jakarta, kabare, isuk iki lagi akeh uwong konsentrasi katene demonstrasi. Jarene ewonan uwong wis ngumpul nang Tanah Abang ugo nang Petamburan. Mulo iku, suwara jet mau, onok sing komentar serius. Ngene iki komentare tekan akun instagram bintar_sam, ”Tak kiro onok hubungane karo people power.”
Podo karo bintar_sam, akun oviru yo ngomong senada. Jare Oviru, “Tak kiro aku tok. Sampek celingukan karo adikku. Nggugahe sangar rek koyo kate ngajak perang.”
Onok sing paling lucu. Onok sing komentar ngene, tekan akun instragrame kohar_photo, “Akuuu... enak enak masak iwak pindang. Lah kok iwak pindange kaget polahe krungu suorone buanter. Dadi iwake urip maneh. Ucul gak gelem dipangan.”
Wis pokoke akeh sing komentar. Intine uakeh uwong sing podo kaget. Onok sing mikir katene kiamat, suwara sangkakala, sampai sing mangap trus wiritan krono bek-bekne onok motor muluk logor trus nibani omah trus sing ketiban mati.
Nek kabeh podo komentar koyo ngono, jajal sing durung komentar, kiro-kiro katene komentar opo? Coba tulisen komen nang ngisor tulisan ngopibareng.id iki, ben wong sak ndonya tambah weruh kagete uwong ditangeni sahur nganggo suwarane montor muluk. (idi)
Advertisement