Ngene Iki Alasane Kenek Opo Wong Indonesia Gak Wedi Bom

Winginane bengi, 3 Juni 2019, onok kasus bom nang Kartosoro, Sukoharjo Jawa Tengah. Gawe geger. Polahe bom iku mau ngarepno rioyo lebaran. Bom e sido mbledak. Diengggg! Ning mbleset tekan sasaran.

Sing disasar bom asline Pospam mudik lebaran. Pospame utuh. Sing nggowo bom e  sing kejet-kejet. Meh bongko. Nek bongko diobong nang neroko. Jare polisi, iku bom matek dewe, rencana  teroris gawe rusuh. 

Untunge sik slamet. Masio wetenge suwek. Tangane cuil. Sikile meh gothang. Gothang iku puthol situk. Sing nggowo bom arek kono ae. Jenenge Rofik, sik enom banget. Umure sik kur-kuran.

Memang kudu slamet. Kudu urip. Ben iso ditakoni. Kenek opo kok aneh-aneh dolanan bom. Sakjane nesu ambek sopo, kok sampek nekad koyok ngono iku. 

Suwara bom sing dibledakne Rofik Asharudin, 22 taun, opo nggarai uwong wedi? Nyatane malah gak. Wong-wong malah mlayu nyedek. Malah ndelok. Nek perlu ndeloke nang ngarep dewe. 

Tahun-tahun sak durungu, bom nang Jakarta misale, bom nang JW Marriot iko, bom nang Sarinah, wong-wong yo tambah nyidek nontok. Gak malah mlayu sipat kuping dolek panggonan sing nyaman. Malah onok sing nyuantai ngipasi sate. Dodol sate nang TKP.

Sampek koran-koran luar negeri bingung dewe. Iku onok hal serius malah ditontok. Jos gandos temenan wong Indonesia. Bekne nek onok perang, kudu ngajak wong Indonesia. Onok bom gak mlayu, tapi malah disik-disikan paling cidek.

Rupane iki alasane wong-wong iku nek onok bom malah nyedek. Gak malah mblayu mulih trus ndelik. Golek aman. Ben gak kenek pecahan bom. Utowo liyane. 

Isuk mau wis rioyo. Rioyone kompak. Bareng. Dadi sithuk. Waktune podho. Nek pas rioyo ngene iki, gak arek SD gak wong tuwek pada sorak-sorak. Opo sing disoraki? Banter-banteran suara mercon.

Merconne guede-guede, ngalahno bom iku dewe. Tapi suwarane gak kalah ambek bom.  Masio digawe saka gulungan kertas. Masio ambek gorengan belerang. 

Dadi, mergo ket cilik biasa nyoraki suwarane mercon sing koyok bom, pas onok bom beneran rasane wong-wong iku mek koyo krungu suwarane mercon. Mergone iku, nek suwarane duer dier dour duar, blengggggg, gak malah wedi. Malah nyedeki sampek koyok opo efeke. Sampek aspal beset opo gak. Sampek onok watu-watu sing mencelat opo gak. 

Nah, ngono iku alasane. Bekne koen duwe alasan liyane, ayo didawakno tulisan iki. (idi)