Ayune, Polwan Asli mBantul Dadi Pasukan PBB Nang Afrika Tengah

Jenenge negarane awake dewe, Indonesia, lagi wangi neng motone wong sak ndonyo. Opo maneh wong sak Indonesia. Wangiiii tenan. Sewangi ayune wong sing fotone nang ndukur iku. 

Wangi mergo opo to? Yo wangi mergo cah Bantul sing fotone dipasang ngopibareng.id nang ndukur iku. (Bantul iku salah siji kabupaten wilayah Daerah Istimewa Jogjakarta. Arahe kidul, kidule kutho ambek Kraton Jogja. Mrono o dewe nek gak percoyo)

Sopo se cah ayu nang ndukur iku? Nek ndelok seragame koyok seragam polisi. Tapi kok heleme biru se. Helem polisi model enyar ta. Biasane nek heleme polisi kan ireng. Iku nek polisne Dalmas. Nek polisi Lantas kan warnane poteh. Lha iku heleme biru, model sing endi maneh iki?

(Nggatheli. Nyocot ae cangkemu cuk. Menengo sik ta, tak marekno sik critaku. Ben koen gak nyocot koyo cangkeme bebek!)

Areke uayu, nggawe seragam polisi warna coklat, polisi Indonesia pastine, rambute ditutupi hijab, sik ditutupi maneh ambek helmet pasukan PBB, warnane biru, tangane ngekepi bedil laras dowo, senyume isok gawe uwong gulung koming, sing fotoe onok nang ndukur iku, gak liya jenenge Hikma Nur Syafa. Celukane Ima. Pangkate nang kepolisian, Brigadir Polisi Satu.

Ima asli cah Bantul. Mrono o dewe nek gak percoyo. Temonono bapake mbarek emake, engkok lak penjenengane iku mastekno, Ima iku pancen asli cah mBantul. Duduk domisili semiran, duduk domisili gawe-gawe.

Dina-dina ngene iki, Ima lagi nang Bangui, wilayah federal sing melu negara Republik Afrika Tengah. Ima makili Indonesia dadi Pasukan PBB sing nggowo misi perdamaian nang negoro rawan eker-ekeran iku. Mergo soko keahliane, Ima kesaring dadi salah siji pasukan perdamaian dunia sing helemete werna biru iku mau.

Asli cah mBantul, Ima iku kecatet dadi warga Tarudan Wetan, Bangunharjo, Sewon, Bantul. Bapake jenenge Nurhyang Sukmono Wahyudi. ibuke jenenge Dwi Sulastri. Wong tuwane Ima iki gak ngerti blas nek anake mangkat neng Afrika Tengah dadi pasukan perdamaian. Ngerti-ngerti pamit ngone ae, trus tugas nang Afrika. 

Ima, Briptu Ima, asline ngono wegah pamer. Pamer nek dekne mlebu tim pasukan khusus PBB sing nggowo misi perdamaian nang Republik Afrika Tengah iku. Nanging, wis kadung. Foto-fotone kadung keposting nang instagram. Mergo ke posting iku, fotone dadi nyebar sak Indonesia Raya. 

Netizen ruame. Mberitakno aktivitase dekne. Aktivitase sing lagi manggul senjata taktis. Aktivitase nggendong mesra bayi Afrika sing ngundang trenyuh. Trus, yo mergo ayune pol iku sing nggrai jagad Indonesia umek.

"Ooo nyatane onok lho, prawan ayu, Polwan, Hijaban, dadi pasukan perdamaian PBB. Wihhh jian keren pol," jare Netizen.

Dwi Sulastri crita, anake iki meneng-meneng ae soal tugase dadi pasukan perdamaian PBB. Malah, ngerti-ngerti pamit budal ngemban tugase negoro nang Afrika Tengah iku.

"Yo kaget. Ngerti-ngerti mangkat. Wong mbakyune sing yo Polwan gak ngerti koprahe adine. Aku, ibuke, yo mek turut ndukung prestasine. Tapi Afrika Tengah iku kan adoh yo. Yo wislah, wong jenenge ae tugas negoro, wis diniati, yo wis ben mangkat. Mugo-muga mulih slamet," jare Dwi Sulastri. 

Dwi Sulastri memang nate krungu, nek anake sing ayu iki lagi pendidikan 1,5 tahun. Nang Cikeas kono. Dadi arang-arang balik. Dadi yo mek ngerti nek anake apik-apik ae. Tapi gak ngerti nek apene ditugasno adoh nang Afrika Tengah kono. 

Briptu Ima sing kelahiran 1 Agustus 1994 iku, sing huayu iku, saiki sopo sing gak kenal? Wong sak Indonesia dadi kenal dekne. Lewat foto-fotone sing joss iki. Opo maneh wong mBantul. Cobak nengo mBantul nek gak percoyo, trus takono Ima, wong-wong sak MBantul nek nyerocos koyo ngerti-ngertio Ima. Padahal... (*)